4 Apr 2010 – 向「下流」說不 — Easter Camp Day 3

今日自己要負責support sing，未入camp前都好緊張的，
因為第一次係camp support sing、要企上台、歌唔熟，不過入到camp，
見到個hall好細、個台好細、昨晚同今早都練過幾次歌，
所以今日support sing唔係咁緊張，而且今日support sing都好既，
因為可以醒一醒，聽pastor講道都唔會怕打瞌睡，haha~
今日pastor提到，向下流說不，不代表要我們向上流力爭，要做上流人，
而是不要靠自己的力量不惜一切向上爭，被這世界的價值觀所影響，
能心甘情願放下自我，靠著神的能力生活，即使在別人眼中成了低下的人，
也沒有所謂的，我們真正需要的，神會知道，祂會補足，會看顧的，
一切就只看我們的心是否靠祂、信祂~

完左講道，大合照時間到！今年要影哈哈笑樣，我地係大師級姊妹指導下，
堆成一個哈哈笑樣，而每年都會有一個場面，就是姊妹在高處set好機，
排好大家的位置，再由高處在廿秒內極速跑下來跟大家合照~ ^^厲害！

午餐過後便是受浸，今年有三位由內地來的女士受浸，因為臨近海，
所以在海中受浸~受浸完，便是各項興趣班及行山，大家都玩得好開心~

晚餐過後，是另一重點活動–camp fire~雖然每年都沒有真的火，
但大家設計的fire都好特別的~今年的camp fire還有螢光棒~
今年的camp fire同樣也很有氣氛，玩得好開心，而且跳完先落雨！
多謝神也多謝各弟兄姊妹用心的安排，用心的跳，用心的演出，
用心的教大家跳！

 

由於今晚是最後一晚，宵夜時間為求清貨，全部食物都拿了出來，
任大家飲同食，每晚的宵夜都好受歡迎，多謝大家支持~

Easter Camp最尾一晚大家通常都會約埋一班ct或bt或同組的傾計，
今年也不例外，我地ct都約埋一齊，還有兩位ct時的導師都來到，
我地十二點鐘約左係camp site門口等，因為實在太近沙灘，
所以決定行出沙灘搵石頭坐，突然間竟然有一陣煙花，好靚呀！
我地一行八人，各自都分享了大家最近的近況，也分享呢幾日的事，
趣事啦、學習啦、經歷啦，導師也跟大家分享了很多，
傾左兩個鐘左右，真係傾得好開心，能夠一齊分享一齊學習是難得的~

多謝父神，這兩天所有戶外活動都能順利進行，也有舒服的天氣！

還有更多關於我參與教會(基督門徒福音會)的分享，歡迎打開我其他的分享看看~ ^^