18 Feb 2007 – 年初一

年年初一，我地既行程都幾密，首先，一早先到觀塘，
媽咪拜好祖先，等埋親戚到齊，就一齊去阿爺個阿嫂到拜年，
之後再到舅婆到拜年，跟住就去大伯父屋企拜年加打邊爐~
打邊爐前，佢地想打麻雀，我唔識打，所以就負責看住兩個堂妹~
開頭都怕細堂妹會喊要搵阿爸阿媽，不過可能佢家姐係度，
加上又有佢鐘意既卡通人物又有野食，所以佢都冇喊，
仲成日跟住我要野食~~

 

晚黑打邊爐前，表姑媽同表姑姐都黎坐左陣~~後尾，
表姐同Ben表哥都黎埋，好耐冇見Ben表哥呢~今晚都係好熱鬧呀~
最好笑呀大堂妹，食飽飽後就問我媽咪玩唔玩潛烏龜，媽咪就講笑話，
佢唔想做龜想做豬，但晴晴話豬唔好，媽咪就話豬好呀，
肥肥的好得意，點知晴晴居然話咁肥唔好，好似佢媽咪咁肥好醜~
haha，唉呀，細路女真係有果句講果句，不過咁細個就識咁講，
都唔知仲算唔算天真…因為居然話自己媽咪肥同醜喎，正常天真既細路，
係唔係應該會保護自己媽咪？只少唔會認為肥就係醜吧？總覺得…
這是大人世界的想法~