17 Feb 2007 – 年三十晚

今日係年三十，大半天我都自己在家上網，大約六點左右，
我就出門去觀塘，預備食團年飯~今年團年飯好熱鬧呀~
二伯娘的兩個兒子都有來，都差唔多兩三年唔見呢~
二伯娘都好精神，能夠來團年飯，真好~我既細堂妹都識行啦~
不過就唔係好識講野，但就好為食，哈哈~問佢食唔食瓜子，
佢雖然搖頭，但係手就伸出黎，口就大開~真係搞笑~~
團年飯過後，原本我就唔打算跟姑姐佢地行觀塘花市的，
不過由於細佬架車同大叔架車都full左，咁反正都係自己回家，
咁就同四嬸同姑姐行花市~估唔到呢個花市都咁多人喎~
我係花市買左好多花~不過我只係出錢買左一束，其他的，
都係四嬸講價，姑姐出錢~~真係多謝呢~ ^^年宵由於人多，
所以晴晴咁細粒，唔抱起佢就真係唔駛透氣啦~於是，
我就幫手抱下佢，但唔抱唔知…佢都幾…重磅…
只係抱左陣，我手都軟… :p